Tetesi za Madrid kuwauza Ozil, Benzema na Di Maria kwa Arsenal ili kumsajili Bale na Luis Suarez

The Daily Mirror, gazeti maarufu nchini Uingereza leo limeripoti kuwa klabu ya Real Madrid imejipanga kuwauza kwa mpigo wachezaji wake watatu Benzema, Ozil na Di Maria ili kupata pesa za kuwasajili Gareth Bale na Luis Suarez. The Mirror limesema klabu ya Arsenal ndiyo itakayowanunua wachezaji hawa watatu kwa jumla ya Euro mil 120. Mchakato huu unatarajiwa kufanyika ndani ya wiki mbili kabla ya dirisha la usajili kufungwa mwezi ujao. Mbali ya klabu ya Arsenal,  The Mirror limesema kuwa klabu ya Man utd pia ipo kwenye mchakato huu ili kumsajili Ozil kama klabu ya Arsenal haitaweza kumlipia fedha zinazohitajika. Klabu ya Arsenal imekuwa ikihusishwa na usajili wa wachezaji wengi katika msimu huu wa usajili ,lakini, imekuwa ikishindwa kuwasajili wachezaji hao kutokana na upungufu wa bajeti ya klabu hiyo, hivyo, haijajulikana klabu ya Arsenal itakuwa makini kwa kiasi gani safari hii ili kuweza kuwasajili wachezaji hawa ambao wataweza kuimarisha kwa kiasi kikubwa kikosi cha klabu hiyo.