Bale yupo fiti kuwakabili Juve na Barcelona

Mshambuliaji mpya wa Real Madrid, Gareth Bale anatarajiwa kurudi tena dimbani wiki hii baada ya daktari wa timu kumpatia kibali. Bale alipatwa na majeraha kwenye paja lake la kushoto wiki mbili zilizopita, majeraha ambayo yalimfanya akose mechi kadhaa za klabu na timu yake ya taifa. Lakini kwasasa mchezaji huyu yupo fiti kurudi dimbani na ameandaliwa vya kutosha ili aweze kucheza mechi mbili muhimu za Madrid dhidi ya Juventus (Jumatano) na Barcelona (Jumamosi).