Hotel watakayofikia England nchini Brazil 2014

Hii ni hotel ya Royal Tulip, hoteli ambayo imechaguliwa na FA kufikia timu ya taifa ya England pindi itakapokuwa nchini Brazil kwenye michuano ya kombe la dunia mwaka 2014. Hoteli hii yenye nyota tano ipo kweye jiji la Rio ina gorofa 17 na vyumba 418. Hoteli hii ipo kwenye fukwe maarufu nchini Brazil za Copacabana, fukwe ambazo zinatarajiwa kuwa kivutio kikubwa cha wapenzi wa soka wataofika nchini Brazil kwenye michuano hii. Mbali ya starehe za kila aina zilizopo kwenye hoteli hii, pia kuna vifaa vya kutosha vya kufanyia mazoezi ikiwa ni pamoja na viwanja vidogo vidogo vya michezo na mazoezi.