Musonye, kutakuwa na ulinzi CECAFA Kagame cup

Katibu mkuu wa chama cha soka Afrika ya Mashariki (CECAFA) Nicholas Musonye amevihakikishia vilabu vyote vya soka Afrika mashariki kuwa michuano ya mwaka huu ya CECAFA Kagame Club Cup itakayofanyika nchini Sudan itakuwa salama. Michuano hiyo mwaka huu itakafanyika Sudan katika miji ya kaskazini Darfur na Kadguli kusini mwa Kordofan kuanzia tarehe 18 mwezi wa sita hadi tarehe 2 mwezi wa saba mwaka huu. Musonye aliyasema hayo baada ya kukutana na mkuu wa mkoa wa Darfur bwana Osmar Mohamed ambaye amehakikisha uwepo wa ulinzi mkali katika michuano hiyo ndani na nje ya viwanja hivyo mashabiki wajitokeze kwa wingi katika michuano hiyo. Michuano ya Kagame Cup hujumuisha klabu bingwa zote za Afrika mashariki na kati ambapo Tanzania itawakilishwa na Yanga kutoka Tanzania bara na KMKM kutoka Tanzania visiwani (Zanzibar).   

Musonye (katibu mkuu CECAFA) wa pili kulia akiwa na Mkuu wa Mkoa Darfur wa tatu kutoka kulia wakikagua moja kati ya viwanja vitakavyotumika kwenye michuano hiyo.