Zawadi za ligi kuu Zanzibar zatolewa

Ligi kuu ya Zanzibar imefikia tamati na kushuhudia KMKM kunyakuwa ubingwa wa ligi hiyo na kukabidhiwa kitita cha shilingi milioni kumi kama washindi pamoja na kikombe. Kwa ushindi huu KMKM ndiyo itaiwakilisha Zanzabir katika michuano ya kimataifa ikiwemo Kagame Cup na klabu bingwa barani Afrika. Wakati huo huo, kiungo wa timu wa Jamuhuri ya Pemba Abdallah Othman amechaguliwa kuwa mchezaji bora wa ligi hiyo na amepewa kiasi cha shilingi milioni moja sambamba na mfungaji bora wa ligi hiyo Juma Mohamed wa timu ya Chuoni ya Unguja ambaye pia amepewa shilingi milioni moja wakati kipa bora amepewa shilingi laki 5 ambaye ni Khamis Muhsin kutoka Zimamoto ya Unguja.