Bunge yashinda dhidi ya Uhuru Sports Club

Timu ya Bunge leo imefanikiwa kuifunga timu ya Uhuru Sports club ya jijini Dar es salaam katika michezo ya mpira wa miguu na netiboli. Kwa upande wa mpira wa miguu timu ya Bunge imeshinda magoli 2-0 dhidi ya Uhuru, magoli yaliyofungwa na ofisa wa bunge Mangwale katika dakika ya 12 na goli la pili lilifungwa kwa njia ya penati na Mheshimiwa Khalifa kutoka Zanzibar. Kwa upande wa netiboli timu ya netiboli ya Bunge imefanikiwa kushinda magoli 30 kwa 18 dhidi ya Uhuru. Michezo hii ya kirafiki baina ya Bunge na Uhuru imefanyika leo jioni katika viwanja vya Jamuhuri mjini Dodoma na kuhudhuriwa na baadhi ya wabunge na wakazi wa mji wa Dodoma. 

Waheshimiwa Wabunge wakipongezana baada ya mchezo wa mpira wa miguu kuisha na kuibuka na ushindi wa goli 2-0 dhidi ya Uhuru Sports 

Hekaheka langoni mwa Uhuru sports (Uhuru jezi za rangi ya kijani)

Timu ya Bunge ya netiboli ikishangilia baada ya mchezo kuisha kwa ushindi wa magoli 30-18 dhidi ya Uhuru sports