Usajili wa Bale kwenda Madrid utavunja rekodi- Zidane

Mkongwe Zinedine Zidane ameweka hadharani kiasi cha fedha ambacho Madrid imeandaa kumsajili Gareth Bale wa Tottenham. Zidane amesema Madrid imetoa kiasi cha paundi mil 85 ili kumsajili mchezaji huyo, kiasi ambacho kitakuwa ni rekodi ya duania. Zidane aliyasema hayo alipokuwa akihojiwa kuhusu maendeleo ya usajili wa Bale, 'Madrid imeshatoa kiasi cha paundi mil 85,  kwasasa swala la Bale lipo wazi kuwa atajiunga na Madrid ila bado tunafanya mazungumzo na klabu yake, haiwezekani mchezaji mzuri kama Bale asisajiliwe na Madrid, na hakuna klabu nyingine itakayoweza kumsajili Bale kwasababu kilichopo hapa ni uwezo wa kifedha na Madrid ndiyo wenyewe pesa, kwahivyo mambo yakishakuwa tayari tutaweka wazi kila kitu". Hayo yalikuwa ni maongezi ya Zidane kuhusu Bale ambaye hadi sasa klabu yake inamzuia asiende popote kwa ushawishi mkubwa wa kocha wake AVB.