Wababe wa Yanga, Al Ahly watolewa na Walibya

Mabingwa watetezi wa kombe la mabingwa barani Afrika, Al Ahly ya Misri, imetolewa nje ya mchuano ya klabu bingwa Afrika wa mwaka huu. Mabingwa hao ambao wamenyakua kombe la Ligi ya Mabingwa Barani Afrika mara nane, waliyaaga mashindano hayo baada ya kufungwa mabao matatu kwa mawili (3-2) na timu ya Libya Al Ahli Bengahzi. Hivyo, Al Ahly kwasasa itashiriki kwenye michuano ya kombe la shirikisho barani Afrika ambapo itakutana na Difaa Hassani Jadida ya Morocco. Ikumbukwe kuwa Al Ahly ndiyo walioitoa klabu ya Yanga kwenye michuano hii kwa mikwaju ya penati nchini Misri.