Ronaldinho atimiza ndoto yake ya muda mrefu

Mshambuliaji wa zamani wa Barcelona na Ac Milan Ronaldinho jana amekamilisha ndoto yake baada ya kufanikiwa kubeba kombe ambalo alikuwa akilingojea kwa muda mrefu la klabu bingwa America. Ronaldinho anayechezea klabu ya Atlético Mineiro ya nchini Brazil, jana timu yake ikiongozwa naye iliweza kutwaa kombe la klabu bingwa America lijulikanalo kwa jina la Copa Libertadores kwa mara ya kwanza. Atletico ilifanikiwa kushinda kombe hili baada ya kuifunga klabu ya Paraguay, Olimpia Asunción kwa mikwaju ya penati baada ya dakika 120 kuisha. Kombe hili linamfanya Ronaldinho atwae kombe ambalo alikuwa na ndoto ya kutwaa kwa muda mrefu baada ya kufanikiwa kutwaa makombe yote makubwa duniani likiwemo la kombe la dunia na Uefa Champions. Mwenyewe alipohojiwa baada ya mechi kuisha alisema ' ninafuraha sana kwasababu Copa Libertadores ndiyo kombe ambalo nilikuwa sijawahi kushinda, na limekuja wakati wa sherehe yangu ya kutimiza miaka kumi tangu niondoke Barcelona, ninafuraha sana'.

Video highlights za mchezo huo