Dani Alves kuvaa jezi namba 22 kumuenzi Abidal

Beki wa Barcelona Dani Alves msimu ujao wa ligi atavaa jezi namba 22 ili kumuenzi rafiki yake kipenzi Eric Abdial. Alves kwa kawaida huvaa jezi namba 2, lakini aliomba msimu ujao avae jezi ya rafiki yake Eric Abidal baada ya mchezaji huyu kumaliza mkataba wake na Barcelona na kuachiwa apumzike kutokana na maradhi yake ya kansa. Alves na Abidal walikuwa ni marafiki wakubwa pindi Abidal alipokuwa Barcelona na mara nyingi walikuwa wakikaa pamoja katika shughuli mbalimbali za klabu. Kwasasa Abidal amejiunga na klabu ya nyumbani kwao As Monaco na atarajia kustaafu akiwa na klabu hiyo. Mgawanyo wa namba za wachezaji wengine wa Barcelona kama ulivyotangazwa leo ni kama ifuatavyo 1 – Valdés 2 – Montoya, 3 – Piqué, 4 – Fàbregas, 5 – Puyol, 6 – Xavi, 7 – Pedro, 8 – Iniesta, 9 – Alexis, 10 – Messi, 11 – Neymar, 12 – Dos Santos, 13 – Pinto, 14 – Mascherano, 15 – Bartra, 16 – Busquets, 17 – Song, 18 – Alba, 20 – Tello, 21 – Adriano, 22 – Alves na 24 – S. Roberto.