Vita ya Chelsea na Man utd kwa Edison Cavani

Vita ya Chelsea na Man utd imehamia kwa mshambuliaji wa PSG, Edinson Cavani kila klabu ikifanya mipango ya kumsajili. Chelsea na Man utd wameingia kwenye vita hii baada ya wakala wa mchezaji huyo kusema wazi kuwa Cavani hafurahii maisha yake nchini Ufaransa. Wakala huyo alisema ' Cavani anaipenda klabu ya PSG, lakini uwepo wa Zlatan Ibrahimovic unamfanya ashindwe kucheza kwa uhuru'. Kwasasa Cavani ni majeruhi na anatarajia kukaa benchi kwa muda mrefu jambo linalomfanya apate muda wa wa kutosha kufanya mazungumzo ya kuhama. Sportmail linasema, kocha wa Man utd anamtaka Cavani, lakini anajua fika kuwa Mourinho pia anamtaka mchezaji huyu. Hofu ya Moyes ni mashindano ya kifedha kati ya Chelsea na Man utd, jambo ambalo linajulikana wazi kuwa Chelsea ipo tayari kulipa zaidi ya Man utd. PSG ipo tayari kumuuza mchezaji huyu kwa paundi mil 54, lakini klabu itakayoweza kutoa zaidi ya hapo itapewa kipaumbele. 

 

Mbali ya Cavani wachezaji hawa pia (Costa na Mandzukic) wapo kwenye rada ya Moyes na Mourinho. Ikumbukwe kuwa mwaka huu kuna kombe la dunia na kawaida wachezaji hupanda bei baada ya kombe la dunia, ndiyo maana klabu nyingi zipo kwenye harakati za kufanya mazungumzo mapema ili kuwasajili wachezaji kwa bei nafuu.