Mipango ya kuhamia Arsenal inaendelea-Wanyama

Kiungo wa Celtic na Kenya, Victor Wanyama amesema kwasasa ana mipango ya kuhamia klabu ya Arsenal na mazungumzo bado yanaendelea. Wanyama aliyasema hayo kwenye TV ya Kenya NTV alipohojiwa kuhusu mipango yake msimu ujao, Wanyama alisema ' mipango yangu ni kufanikiwa zaidi katika soka na kwasasa wakala wangu yupo nchini Uingereza kuongea na klabu ya Arsenal, mazungumzo yanakwenda vizuri, kama mambo yatakwenda yalivyopangwa basi msimu ujao nitakuwa Arsenal, ila bado mazungumzo yapo kwenye hatua za awali, na sio vizuri kuongelea zaidi swala hili kwani mimi bado nina mkataba na Celtic, lakini muda ukifika Celtic wataliweka wazi'. Wanyama kwasasa yupo nchini Malawi na timu ya taifa ya Kenya ambapo wiki hii timu hizi zitakutana katika michuano ya kuwania kufuzu kombe la dunia.