Zidane akubali kuifundisha Madrid - Roberto Carlos

Mkongwe Roberto Carlos amemshauri mchezaji mwenzake wa zamani wa Real Madrid Zinedine Zidane akubali kuwa kocha wa Madrid kwasababu uwezo wa kuifundisha timu hiyo anao. Carlos aliongea hayo kupitia gazeti la Marca la nchini Hispania akisema ‘namshauri Zidane akubali kuifundisha Real Madrid, asijifikirie kuhusu uwezo wake kwani Zidane ana uwezo kuifundisha Madrid, ana uwezo wa kusoma mchezo, ana uwezo pia wa kuwaunganisha wachezaji na kila jambo analolifanya huwa ana uhakika nalo habahatishi, atashinda vikombe vingi sana, ninaongea  hivi kwasababu nilikuwa naye Madrid hivyo nina mjua vizuri sana Zidane’. Maneno haya ya Carlos yamekuja baada ya tetesi kuvuma kuwa Zidane bado anajifikiria kuhusu ofa aliyopewa ya kuifundisha Madrid baada ya PSG kugoma kumwachia Ancelotti kuhamia Madrid. Kwasasa Zidane ni mshauri wa masuala ya usajili wa Madrid na kazi aliyopewa msimu huu ni kuhakikisha Gareth Bale wa Tottenham anatua Madrid.