Manchester United watwaa kombe mara ya 20

Klabu ya Manchester United leo wamekabidhiwa kombe la ubingwa wa ligi kuu nchini Uingereza katika mechi yao ya 35 dhidi ya Swansea mechi iliyokwisha kwa Man utd kushinda goli 2-1. Mechi ya leo ilikuwa na mvuto mkubwa kwa mashabiki wa soka duniani ikiwa maalumu kumuaga Sir Alex Ferguson aliyeingoza Man utd kwa kipindi cha miaka 27. Vilevile, Paul Scholes aliyejiunga kwa mara ya pili na Man utd mwaka 2011 naye pia leo ameagwa na washabiki wa Man utd ikiwa ni mechi yake ya mwisho kucheza kwenye dimba la Old Trafford. Mechi ya leo pia imetengeneza historia kwa Robin Van Persie mchezaji aliyesajiliwa kutoka Arsenal msimu huu na leo amefanikiwa kushinda kombe la ligi kwa mara ya kwanza katika historia ya maisha yake ya soka. Naye, Rio Ferdinand katika mechi ya leo aliweza kufunga goli la ushindi, goli ambalo amelifunga baada ya kukaa miaka mitano bila goli. Katika hotuba yake baada ya mechi, Sir Alex Ferguson amewatakia mafanikio mema wachezaji wote wa Man utd pamoja na kuwashukuru washabiki wote wa Man utd kwa kumpa “support” kipindi chote alichoitumikia klabu na kuwaahidi kuwa ataendelea kuwa nao daima. Kwaheri Sir Alex Ferguson!!!! 

Sir Alex ndiye aliyenyanyua kombe la ubingwa ikiwa ni ishara ya shukrani  kwa mafanikio aliyoyafanikisha ndani ya klabu

  

Robin Van Persie (kushoto) akinyanyua kombe la ligi kwa mara ya kwanza katika maisha yake

 

Kocha David Moyes na Sir Alex wakiwaaga washibiki wa timu zao baada ya mechi 

Rio akiachia shuti la nguvu kuandika goli la pili

Rio akishangilia goli la ushindi, likiwa ni goli lake la kwanza baada ya miaka mitano

Paul Scholes akiwaaga mashabiki wa Man utd waliojitokeza Old Trafford