Mchezaji wa Lazio na kashfa ya kudanganya umri

Klabu ya Lazio imeponda vikali kauli iliyotolewa na watu pamoja na gazeti la Senegal kuhusu umri wa mchezaji wake Joseph Marie Minala. Baadhi ya watu kupitia mitandao ya kijamii pamoja na gazeti moja la Senegal wamesema kuwa Minala ana umri wa miaka 40 au zaidi tofauti na vyeti vyake vinavyosema kuwa ana miaka 17. Taarifa hizi zilianzia kwenye akaunti ya Minala ya Facebook baada ya watu 'kucomment' picha zake kwa kusema ana umri mkubwa jambo ambalo lilimfanya mchezaji huyu kuifunga akaunti yake ya facebook. Kufuatia taarifa hizi klabu ya Lazio anayochezea mchezaji huyu imesema itafungua kesi kwa gazeti lililodanganya umma kuhusu umri wa Minala. Lakini pia wakala wa mchezaji huyu bwana Diego Tavano amesema ni kweli sura ya Minala inaonekana ya mtu mzima kutokana na hali ya maisha magumu aliyokulia, lakini umri wake halisi wa sasa ni miaka 17. Kumekuwepo na taarifa za wachezaji wengi wa Afrika kudanganya umri wanapokwenda Ulaya ili waweze kupata ajira, tatizo hili ndiyo limepelekea watu kuhoji umri wa Minala jambo ambalo wakati mwingine linaweza kuwa la kweli au uongo. Ugumu wa maisha na kutafuta ajira kwa Waafrika ndiyo imekuwa sababu kuu ya kudanganya umri. Zifuatazo ni picha za Minala ambazo zinatiliwa shaka kwa kuwa na sura ya mtu mzima sio kijana wa miaka 17;