Sheria mpya ya UEFA FFP itapunguza ushindani

Shirikisho la mpira barani Ulaya UEFA linatarajia kuanzisha sheria mpya ya Financial Fair Play (FFP) itakayoanza utekelezaji wake msimu ujao. FFP ni sheria itakayovibana vilabu vya soka barani Ulaya kwenye matumizi ya fedha. Sheria hiyo haitaruhusu klabu yoyote barani Ulaya kufanya matumizi zaidi ya kipato chake. Sheria hii imeletwa mahususi kuzuia matajiri wakubwa ambao wananunua timu na kusajili wachezaji wakubwa kwa pesa nyingi zaidi ya mapato yao. Klabu ambazo zimeshafanya kitendo hiki ni pamoja na Man city, PSG na Chelsea. Wadau wengi wa soka wameipinga sheria hii kwasababu itapunguza ushindani katika ligi kwani hii leo kwenye ligi ya England isingekuwepo Chelsea wala Man city imara zenye uwezo wa kupamba na Man utd, Arsenal au Liverpool. Vilevile, sheria hii itapunguza malipo kwa wachezaji kwani timu nyingi zinawalipa wachezaji mishahara mikubwa kwa mwaka tofauti na mapato yao kitu ambacho kitawaadhiri wachezaji na mawakala wao. Kuanza kwa sheria hii msimu ujao kutazifanya klabu kubwa kiuchumi kama Man utd, Barcelona, Real Madrid, Arsenal, Bayern, Ac Milan na Liverpool ziendelee kutawala katika soka jambo ambalo litadumaza soka na kupunguza ushindani.