United yahamia kwa Modric baada ya kumkosa Cesc

Baada ya kumkosa kiungo wa Barcelona, Cesc Fabregas, klabu ya Man utd imehamishia nguvu zake kwa Luka Modric. Taarifa kutoka kwenye mtandao wa Mirror unasema, klabu ya Man utd imejiandaa kutuma ofa ya paundi mil 25 ili kumsajili Modric. Mirror linaripoti kuwa, Man utd ina nafasi kubwa na kuweza kumsajili kiungo huyu kutokana na ukweli kwamba kwasasa klabu ya Real Madrid inahitaji pesa ili kumsajili Gareth Bale. Hivyo pesa zitakazotumika kumlipia Modric zitatumiwa na Madrid kuongezea ili kumsajili Bale ambaye bei yake ni Euro mil 145. Sababu nyingine ambayo imetajwa kuwa inaweza kuifanya Madrid kumuachia Modric, ni uwepo wa wachezaji watatu ambao wanaweza kuzipa pengo la Modric akiwemo Kaka, Ozil pamoja na Isco ambaye ni mchezaji mpya aliyesajiliwa na Madrid msimu huu akitokea Malaga.