Mata akosa mazoezi na klabu yake ya Chelsea leo

Picha hizi zinaonesha wachezaji wa Chelsea wakiwa kwenye mazoezi na kocha Jose Mourinho bila kuwepo kwa kiungo wa klabu hiyo Juan Mata. Taarifa kutoka Dailysport zinasema Mata ameshindwa kufanya mazoezi siku ya leo ili aweze kushiriki kwenye mazungumzo na wakala wake kuhusu uhamisho wake kwenda Man utd. Mata anatarajiwa kwenda United kabla ya wikiendi kufanya vipimo na anategemewa kucheza kwenye mechi kati ya Man utd na Cardiff City jumanne ijayo. Kuhusu ada ya uhamisho wa Mata, vyombo vya habari vinasema itakuwa kati ya paundi mil 37 hadi 40.