Tetesi za usajili ndani ya dirisha dogo 5 Jan 2014

 

Honda amesajiliwa na Ac Milan kama mchezaji huru.

  Man utd inamnyemelea Fabio Coentrao kwa £12m. Man utd ilishindwa kumsajili mchezaji huyu mwaka jana baada ya kushindwa kupatana na Madrid. 

Klabu ya Chelsea imeandaa £30m kumsajili Rooney kama atagoma kusaini mkataba mpya na Man utd. Man utd pamoja na wakala wa Rooney watakutana wiki ijayo kuanza kuongelea mkataba mpya wa Rooney. 

Lamela ameomba uongozi wa klabu yake ya Tottenham kuhama ndani ya dirisha dogo. Ombi lake bado halijajibiwa lakini klabu za Atletico Madrid na Inter Milan zimeshatangaza nia ya kutaka kumsajili. 

Marca limeeleza kuwa klabu ya Arsenal ipo tayari kumsajili Mfaransa  Loic Remy kwa paundi mil 12 kutoka QPR ndani ya dirisha dogo 

Klabu ya Newcastle inaongoza katika vita ya kumsajili kwa mkopo mshambuliaji wa Man utd Wilfried Zaha. Newcastle inashindana na Everton ambayo inataka kumsajili kwa ada pasipo mkopo. 

Marca limeeleza kuwa kocha wa Arsenal, Arsene Wenger anatafuta mshambuliaji mbadala wa Bendtner, na katika hili vyombo vya habari vimeripoti kuwa washambuliaji watatu Mandzukic (Munich), Álvaro Morata (Madrid) na Diego Costa (At. Madrid) ndiyo waliopo kwenye mipango wa kocha huyu. 

Imeelezwa kuwa klabu ya Chelsea ipo tayari kumruhusu Ba kuondoka kama klabu hiyo itaweza kusajili mshambuliaji mpya. Ba hadi sasa anawindwa na klabu za Inter Milan na Napoli. 

Klabu ya Bayern Munich imethibitisha kumsajili mshambuliaji wa Borussia Dortmund, Robert Lewandowski akiwa kama mchezaji huru pale mkataba wake utakapoisha mwishoni mwa msimu huu. Lewandowski atajiunga na Bayern Munich tarehe 1 July 2014 na kwa kipindi hiki ataendelea kuitumikia klabu yake ya Dortmund hadi mwisho wa msimu atakapomalizia mkataba wake.  

Klabu ya Barcelona imeitolea nje klabu ya Liverpool kumsajili winga wake Cristian Tello. Taarifa kutoka Marca zinasema kocha wa Barca Tata Martino ameiomba klabu yake kutoruhusu mchezaji yoyote kuuzwa kwenye dirisha dogo ili aweze kujenga vyema kikosi chake. 

Mario Balotelli anaweza kurudi tena ligi kuu ya England baada ya taarifa kusambaa kuwa Jose Mourinho ana mpango wa kumleta ndani ya kikosi cha Chelsea.