Walcott kukosa mechi za ligi na kombe la dunia

Winga wa Arsenal na England, Theo Walcott atakuwa nje wa uwanja kwa miezi sita kuanzia sasa kutokana na majeraha aliyoyapata wikiendi iliyopita kwenye mechi kati ya Arsenal na Tottenham. Walcott alipata majeraha hayo baada ya kuchezewa rafu na beki wa kushoto wa Tottenham Danny Rose. Walcott ameumia kwenye mguu wake wa kushoto na anatarajiwa kukaa nje ya uwanja kipindi chote cha msimu huu wa ligi na pia atakosa michuano ya kombe la dunia inayotarajiwa kufanyika nchini Brazil mwezi wa tano hadi wa saba mwaka huu 2014.