Yaya Toure asema anataka kurudi Barcelona

Kiungo wa Man city Yaya Toure anatarajia kustaafu soka akiwa na klabu yake ya zamani Barcelona. Yaya ameyasema haya wiki hii wakati akihojiwa na TV ya Bein Sport juu ya mipango yake ya baadaye. 'Nilishasema mapema kuwa lazima nimalizie ajira yangu ya kucheza soka katika klabu ya Barcelona licha ya kuwa siwezi kusema ni lini nitahamia Barcelona kwasababu katika mpira mambo hubadilika haraka'. Yaya alitamka maneno haya huku akilaumu mahusiano mabaya yaliyopo kati yake na uongozi wa klabu yake na kusema vinaweza kuwa ni sababu tosha ya yeye kuhama msimu huu. Kabla ya kuhamia Man city Yaya Toure alikuwa akicheza klabu ya  Barcelona, na alihama kwa ada ya paundi mil 24 miaka minne iliyopita.