Cesc afunguka kuhusu kuhamia Man utd na Arsenal

Kiungo wa Barcelona Cesc Fabregas ameibuka baada ya kimya cha muda mrefu na kuongelea tetesi zilizopo kuwa yupo kwenye mazungumzo na Man utd au Arsenal ili kurudi kwenye ligi ya Uingereza. Fabregas aliongea na Sportsmail akisema ‘ nilitumia muda mrefu na nguvu nyingi kurudi tena Barcelona, imekuwa bahati kwangu, siwezi kukubali kupoteza nafasi hii tena kwasababu ni ndoto zangu tokea nikiwa mdogo za kutaka kuichezea klabu ya Barcelona, watu wamekuwa wakisema sana kuhusu mimi kuhama Barcelona taarifa hizo sio za kweli na hata sijui wanatoa wapi taarifa hizi, mimi nitaondoka Barcelona kama uongozi wa klabu wenyewe watasema hawanitaki lakini hadi sasa hawajaniambia hilo. Natambua kuwa Barcelona ni timu yenye wachezaji wenye vipaji itanichukua muda kuweza kupata nafasi ya uhakika, jambo hili nilikuwa nalifahamu kabla hata sijahamia Barca, ila haiwezekani jambo hili likawa ndiyo sababu ya mimi kuhama Barcelona, nitajitahidi ili niweze kupata nafasi ya uhakika kwani umri wangu bado mdogo’. Cesc aliyasema maneno hayo kuonesha msimamo wake kuhusu taarifa zilizopo kuwa yupo kwenye mazungumzo na Man utd au Arsenal. Cesc amesema ameamua kuliongelea jambo hili wazi kwasababu anahisi litaweza kuharibu mahusiano yake na viongozi wa Barcelona akiwemo kocha wake jambo ambalo litamfanya apoteze imani ndani ya klabu.