Ronaldo akanusha kuwa ameshasaini mkataba mpya

Mshambuliaji wa Real Madrid Cristiano Ronaldo amepinga vikali taarifa zilizoenea kwenye vyombo vya habari kuwa ameshasaini mkataba mpya na klabu yake ya Real Madrid. Ronaldo ameyasema hayo kupitia akaunti zake za Facebook na Twitter akisema "habari zote kuwa nimesaini mkataba mpya na Madrid ni za uongo". Ronaldo amefikia uamuzi ili kuweka wazi nia yake ya kuhama Madrid akiwa anahusishwa kwa kiasi kikubwa kurudi kwenye klabu yake ya zamani Man utd. Kufuatia taarifa hizi klabu ya Man utd imeongeza juhudi zake za kuhakikisha Cristiano anarudi Old Trafford licha ya kuwa kikwazo kikubwa ni uongozi wa Madrid ambao hautaki kumuachia. Mbali ya Man utd, klabu za Ufaransa PSG na Monaco pia zipo kwenye haraka za kumsajili mshambuliaji huyo kwani hadi sasa zipo tayari kuwalipa Madrid kiasi chochote cha pesa watakachohitaji. Lakini taarifa zinasema Madrid hawatakuwa tayari kuumuza Ronaldo hadi pale watakapo fanikisha kumpata kocha mpya na kumsajili Gareth Bale wa Tottenham.