Beckham aondoa ubishi kwa mashabiki wa PSG

Mashabiki wengi wa PSG waliponda uongozi wa club hiyo kwa kufanya uamuzi wa kumnunua David Beckham. Tokea Beckham ajiunge na PSG amekuwa akianzia benchi, lakini jumapili ilyopita Beckham alionesha uwezo wake baada ya kucheza dakika 90 na kuiwezesha timu yake kutoka droo na timu ngumu ya St Etienne. Baada ya mchezo huo kwisha mashabiki wa PSG walimshangilia Beckham kwa nguvu kuonesha kukubali kiwango chake. Naye Ibrahimovic mshambuliaji wa PSG alimpongeza Beckham mbele ya waandishi wa habari baada ya mchezo na kusema "Beckham anacheza kama kijana mwenye umri wa miaka 25". Kwa kiwango hicho alichoonesha Beckham amerudisha imani kwa mashabiki wa PSG waliokuwa wakifikira Beckham ameletwa kwa ajili ya kuuza sura na kuuza t-shirt.