Odemwingie bora nifukuzwe

Peter Odemwingie amesema yeye yupo tayari kufukuzwa West Brom baada ya matukio kadhaa kutokea. Odemwingie ameingia matatizoni na club yake baada ya kukataliwa kuhama kwenda QPR. Odemwingie alikwenda mwenyewe kwenye club ya QPR siku ya mwisho ya usajili ili kufanikisha uhamisho wake lakini ilishindikana kwasababu club yake haikuwa tayari kumruhusu. Peter amekuwa akijihusisha na matukio mengi ya utovu wa nidhamu dhidi ya club yake tokea dirisha dogo la usajili kufungwa. Jumapili iliyopita Odemwingie alitoa maneno makali kumponda kocha wake na uongozi wa club baada ya kuwekwa benchi. Odemwingie alitumia twitter kusema “ kama kweli mimi ni mchezaji mzuri kwanini nikae benchi” “wamenikataza kuhama West Brom sasa hivi wananiweka benchi, haya ni mambo ya kitoto”. Kutokana na matukio haya club ya West Brom imempa adhabu Peter kwa kukata mshahara wake wa wiki mbili ambayo ni paundi 160,000.