Nipo tayari kuhamia Manchester United - Modric

Gazeti moja la Croatia  Jutarnji, limeripoti kuwa kiungo wa Real Madrid Luka Modric amesema yupo tayari kujiunga na Manchester United kama Madrid watakubali. Jutarnji katika taarifa yake limesema kuwa, Modric aliyasema hayo mbele ya wachezaji wenzake wa timu ya taifa ya Croatia, wakati timu hiyo ilipokuwa kwenye maandalizi ya kucheza mechi ya kirafiki. 'Kama klabu yangu itakubaliana na Man utd nipo tayari kwenda Old Trafford' hayo ndiyo maneno aliyoyasema Modric mbele ya wachezaji wenzake. Klabu ya Man utd ilishaanza maongezi na wakala wa Mondric ili kumsajili mchezaji huyu, na United waliambiwa kutuma ofa ya Euro mil 30 kwa Madrid, lakini, kuumia kwa Xabi Alonso ndiyo kulileta doa kwani Madrid wasingekubali Modric aondoke wakati Alonso ni majeruhi. Hivyo usajili wa Modric kwenda United utategemea afya ya Xabi Alonso ambaye ni majeruhi kwa zaidi ya wiki mbili sasa.