Arsenal yahamia kwa Benzema na Di Maria

Sportsmail linaripoti kuwa klabu ya Arsenal inatarajia kutuma ofa ya paundi mil 40 kwa Real Madrid ili kumsajili Karim Benzema. Taarifa zinasema, Arsene Wenger kocha wa Arsenal, alikuwa akimhitaji Benzema kwa muda mrefu, lakini safari hii kuna uwezekano wa kumpata kama Real Madrid wataweza kufanikisha usajili wa Gareth Bale mapema. Septemba 2 ndiyo mwisho wa usajili na hadi sasa Real Madrid na Tottenham bado hawajafikia muafaka wa uhamisho wa Bale, hivyo, usajili wa Benzema kwenda Arsenal unaweza ukachelewa, kwani Real Madrid hawapo tayari kumruhusu Benzema kuondoka kabla ya Bale kujiunga nao. Taarifa za Sportsmail pia zimesema, Arsenal itatuma maombi ya kumsajili Di Maria kama Madrid watakubali. Kiasi cha paundi mil 70 kimeandaliwa na klabu ya Arsenal kwa ajili ya Benzema na Di Maria.