Baadhi ya mashabiki wa Arsenal kumzomea RVP

Kocha wa Man utd Sir Alex Ferguson amemwambia Van Persie kuwapuuza baadhi ya mashabiki wa Arsenal waliojipanga kumzomea kwenye mechi kati ya Arsenal na Man utd itakayofanyika jumapili ya wiki hii. Ferguson alisema ‘najua wapenzi wa Arsenal walichukia kumpoteza RVP aliyehamia United hivi karibuni lakini haitakuwa vyema kumzomea mchezaji huo kwasababu alihama kwa kufuata utaratibu, ila namtaka RVP kuwapuuza wote watakao mzomea'. Wakati huo huo kocha wa Arsenal, Arsene Wenger amewataka mashabiki hao waliopanga kuzomea wasifanye hivyo badala yake wampige makofi kuonesha heshima na shukrani kwa RVP. RVP aliyefunga magoli matatu dhidi ya Aston Villa kwenye mchezo uliopita, magoli yaliyoiwezesha United kutwaa ubingwa wa ligi anatarajiwa kucheza katika mchezo huo wa jumapili ambao utakuwa ni mchezo muhimu sana kwa Arsenal kushinda ili kujiimarisha katika nafasi tatu, vilevile RVP atahitaji afunge goli au magoli dhidi ya timu yake ya zamani ili kudhihirisha kiwango chake mbele ya mashabiki wa Arsenal wanaotaka kumzomea.