Podolski ni mbadala wa Van Persie- Wenger

Kocha wa Arsenal, Arsene Wenger amesema Lukas Podolski hataondoka Arsenal mwishoni mwa msimu huu kwani yeye ndiye chaguo lake kuziba pengo la Van Persie. Wenger alisema “Podolski ni mfungaji mzuri, bado anajifunza mfumo wetu wa kucheza kwani hajacheza mechi nyingi na Arsenal ndiyo maana bado hajaonesha uwezo wake, ila nampa nafasi msimu ujao acheza kama mfungaji naamini ataweza kuimudu nafasi aliyokuwa akicheza Van Persie”. Wenger aliongeza kwa kusema kuwa “wachezaji wengi wa Arsenal wanang’ang’ania kucheza kama wafungaji wa mwisho (namba tisa na kumi) licha ya kuwa wao ni wazuri kwenye kiungo na winga ndiyo maana wakati mwingine inabidi tumchezeshe Podolski kama winga na wao tuwapatie nafasi ya kucheza kama wafungaji hali hii inamfanya Podolski achelewe kujifunza kwasababu tunamhamisha mara kwa mara lakini msimu ujao itabidi tumchezeshe kwenye nafasi yake ili aweze kuonesha uwezo wake. Lukas Podolski alijiunga na Arsenal msimu huu akitokea Cologne ya Ujerumani kwa paundi milioni 11 hadi sasa ameshafunga magoli 14 akiwa na Arsenal.