Tunatarajia kumsajili Jovetic - Wenger

Klabu ya Arsenal ipo kwenye hatua za mwisho kumnasa kiungo wa Fiorentina Stevan Jovetic. Kocha wa Arsenal, Arsene Wenger amekiri jambo hilo na kusema Arsenal imeshatenga paundi mil 25 kwa ajili ya Jovetic, na uhamisho wake unangojea ligi kuisha ili kuona kama Arsenal itashiriki UEFA champions au la, Wenger amesema kama Arsenal itashiriki UEFA champions mchezaji huyo atasajiliwa haraka lakini Arsenal ikishindwa kuishiriki UEFA basi mipango itabadilika. Katika kuimarisha kikosi chake, Arsenal wametenga kiasi cha paundi mil 70 mwishoni mwa msimu ikiwemo kumnasa kipa wa Hamburg Rene Adler na David Villa. Stevan Jovetic (23) mzaliwa wa Yugoslavia amejiunga na Fiorentina mwaka 2008 hadi sasa ameshacheza mechi 111 na kufunga magoli 34.