Neymar kuhamia Ulaya mwakani

Baba mzazi wa mshambuliaji wa Santos Neyamar amedhibitisha kuwa mchezaji huyo atahamia Ulaya baada ya kombe la dunia mwakani. Baba Neymar alisema ‘ Mtoto wangu yupo tayari kuondoka Santos, ila hawezi kuondoka hadi fainali za kombe la dunia ziishe, lakini hadi sasa hivi nafikiria Barcelona ndiyo timu atakayoweza kwenda kwasababu ya mahusiano mazuri yaliyopo kati ya Santos na Barca. Naye wakala wa Barcelona ambaye yupo Brazil kufuatilia uhamisho wa Neymar bwana Andre Cury amesema Barcelona ipo tayari wakati wowote kumsajili Neymar kwa kiasi cha fedha Santos watakachohitaji, ila hadi sasa Barcelona wapo tayari kutoa paundi milioni 50 kwa ajili ya kumnasa Neymar ikiwa ni kiasi hicho hicho ambacho Real Madrid wametangaza pia kukitoa.

Neymar mchezaji anayesemekana kuja kuwa mchezaji bora barani Ulaya na Duniani baada ya kuonesha kiwango cha juu akiwa na umri mdogo wa miaka 21 ameshakuwa mchezaji bora wa bara la Amerika ya kusini, ameshashinda kikombe cha goli bora la FIFA mwaka 2011 na alishakuwa kwenye kinyang’anyiro cha kumchagua mchezaji bora wa dunia akiwa na umri wa miaka 20 na 21, mbali na hayo ameshacheza mechi 32 kwenye timu ya taifa na kufunga magoli 20 na vilevile Neyam ndiye mchezaji tegemeo kwa Brazil kwenye kombe la dunia mwakani.