Ligi kuu Tanzania bara Yanga,Mtibwa,Kagera uwanjani

Ligi Kuu ya Vodacom (VPL) kuwania ubingwa wa Tanzania Bara inaendelea kesho Aprili 17 mwaka huu kwenye viwanja vitatu huku vinara wa ligi hiyo Yanga inayoongoza kwa pointi 52 itakuwa mgeni wa Mgambo Shooting katika mechi itakayochezeshwa na mwamuzi Athuman Lazi kutoka Morogoro kwenye Uwanja wa Mkwakwani jijini Tanga. Kagera Sugar na Toto Africans zitaumana kwenye Uwanja wa Kaitaba mjini Bukoba wakati uwanja wa Manungu ulioko Turiani mkoani Morogoro itazikutanisha mwenyeji Mtibwa Sugar yenye pointi 33 na Oljoro JKT yenye pointi 28. Mechi mbili za kesho ndizo zinaonekana kuwa ni ngumu kutokana na msimamo wa ligi ulivyo hivi sasa kwani Yanga inahitaji pointi tano tu ili iweze kutwaa ubingwa wakati huo huo Mgambo itakuwa inahitaji ushindi ili iweze kuepuka kushuka daraja. Mechi nyingine ngumu ni kati ya Kagera na Toto, Kagera wenyewe poinit 37 wahitaji ushindi ili waweze kuishika nafasi ya tatu wakishindana na Simba, wakati Toto watahitaji kushinda ili kuepuka kushuka daraja. Ufuatao ni msimamo wa ligi kwasasa.

Rank	Teams	Played	Wins	Draw	Lost	GD	Points
1	Young Africans	22	16	4	2	28	52
2	Azam FC	23	14	5	4	22	47
3	Kagera Sugar	22	10	7	5	7	37
4	Simba SC	22	9	9	4	11	36
5	Mtibwa Sugar	23	8	9	6	2	33
6	Coastal Union	22	8	8	6	3	32
7	Ruvu Shooting	22	8	6	8	0	30
8	JKT Oljoro	23	7	7	9	-4	28
9	Prisons FC	24	6	8	10	-7	26
10	Mgambo Shooting	22	7	3	12	-7	24
11	Toto African	24	4	10	10	-11	22
12	JKT Ruvu	21	6	4	11	-15	22
13	Police M	23	3	10	10	-10	19
14	African Lyon	23	5	4	14	-19	19