Arsenal washindwana na Nike wahamia Puma

Baada ya kudumu kwa miaka 20 na udhamini wa Nike, klabu ya Arsenal imeamua kusaini mkataba mpya na kampuni ya Puma mkataba utakao gharimu kiasi cha paundi mil 170 ambapo kila mwaka Arsenal watakuwa wakipata udhamini wa paundi mil 30 kwa kipindi cha miaka mitano. Ivan Gazidis ambaye ni mkurugenzi mtendaji wa Arsenal amethibitisha hilo na amesema klabu ya Arsenal itaanza kuvaa jezi za Puma baada ya msimu ujao kuisha. Nike walioanza kuidhamini Arsenal toka mwaka 1993 mkataba wao utakwisha mwishoni mwa msimu ujao na maongezi ya awali kati ya Arsenal na Nike hayakuweza kufikia muafaka ndiyo maana Arsenal wakaamua kuachana na Nike kwenda Puma. Hivyo Arsenal itakuwa ni timu kubwa ya kwanza barani Ulaya kudhaminiwa na Puma kwani klabu kubwa zote za Italy, England, Hispania, Ufaransa na Ujerumani zina udhamini wa Adidas na Nike. Kwenye ligi ya England klabu zenye udhamini wa Puma ni Newcastle na Reading.