Kipigo cha Bayern Munich bado kinaniuma - Iniesta

Kiungo wa Barcelona Adres Iniesta amesema kipigo cha Bayern Munich cha goli 7-0 walichokipata kwenye nusu fainali ya klabu bingwa barani Ulaya bado kinamuuma. Adres alisema ‘ kipigo cha Bayern kilikuwa kibaya sana, tokea siku ile hadi leo bado naumia sana, angalau leo najisikia vizuri kidogo, lakini ule usiku wa mechi sikulala vizuri na nilipoamka niliona siku inakwenda vibaya tofauti na nivyozoea. Ilikuwa haiwezekani kusahau kwa mara moja, itachukua muda mrefu kwangu na wenzangu pia, ila huu ni muda wa kujipanga kwa msimu ujao lazima tutapigana kurudisha heshima yetu”. Iniesta aliyasema hayo alipokuwa akiongea na waandishi wa habari wiki hii akielezea mipango ya Barca kwa msimu ujao kwenye klabu bingwa ulaya. Mbali ya kutolewa kwenye UEFA champions, Barcelona imeanza kujiandaa kusheherekea ubingwa wa ligi ambao wanatarijia kuunyakuwa kwenye mchezo wao unaofuata dhidi ya At. Madrid utakaochezwa jumapili ya tarehe 12/5/13.