Azam Academy yashinda dhidi ya Ashanti United

Azam Academy jana ilitoka na ushindi wa goli 1 - 0 dhidi ya timu ya Ligi kuu Ashanti United kwenye mechi ya kirafiki iliyofanyika uwanja wa kumbukumbu Karume wilaya ya Ilala. Goli la Azam Academy lilifungwa na mshambuliaji wa pembeni toka shinyanga Mange. Vijana wa Azam Academy wanaonolewa na kocha Vivek Nagul pamoja na msaidizi wake Iddi Cheche walicheza kandanda safi na kuwapoteza kabisa vijana wa Ashanti United. Mechi hii ya kirafiki ni ya tatu kwa Azam Academy, ambapo siku ya jumatano Azam Academy ilicheza na timu ya ligi daraja la kwanza ya Transit Camp na kushinda kwa magoli 3-1 katika mchezo uliofanyika kwenye uwanja wa Azam. Katika mechi hizi zote Azam Academy wamekuwa wakionesha mchezo safi wa kuvutia kwa kuongozwa na wachezaji wao machachari wakiwemo Kaijage, Rey, Dismas, Kevin Friday, Mkomola, Mgaya, Mange, Adam Juma, Jamir Brison na Adam Gambo.