Arsenal imeitaka Roma kuongeza dau la Gervinho

Klabu ya Arsenal imepiga chini ofa ya Roma ya kutaka kumsajili winga wake Gervinho kwa paundi mil 6. Klabu ya Arsenal imegoma ofa hiyo ikiitaka Roma kuongeza dau lake hadi kufikia paundi mil 8.6. Sababu kubwa ya kutakiwa kuongeza dau hilo, ni ukweli kwamba klabu ya Arsenal ilimnunua mchezaji huyu kwa paundi mil 11, hivyo kumuuza kwa paundi mil 6 itakuwa ni hasara kwa klabu. The Mirror, mtandao wa Uingereza, umesema Arsene Wenger, kocha wa Arsenal, ameamua kumuuza mchezaji huyu kwa kile anachoamini Gervinho anahitaji kubadilisha mazingira ili aweze kutumia vyema kipaji chake. Klabu ya Roma imeshaonesha nia ya kumsajili na imesemekana kuwa ipo mbioni kuongeza dau ili kumsajili mchezaji huyu.