'Bei ya Gareth Bale ni paundi mil 103' - Tottenham

Klabu ya Tottenham leo imewajulisha Madrid bei halisi ya winga wao Gareth Bale kuwa ni paundi mil 103. Taarifa hizi zimetolewa na mwenyekiti wa Tottenham Daniel Levy alipokuwa akiongea na gazeti la Hispania AS. Lakini alipoulizwa bwana Perez, Rais wa Madrid alisema klabu yake haiwezi kulipa fedha hizo ila ipo tayari kulipa paundi mil 86 pamoja na Di Maria juu. Perez amesema wameshapeleka ofa hiyo mpya na kwasasa wanangojea majibu. Ofa hii ya Di Maria na paundi mil 86 imeonekana kuwa ni faida kubwa kwa Tottenham na inaweza kukubalika, kwani kocha wa Tottenham AVB imesemekana alikuwa akimhitaji Di Maria kwa muda mrefu kabla hajahamia Tottenham. Real Madrid na Tottenham wanatarajia kumalizana wikiendi hii kama ofa ya Madrid itakubalika.