Cesc amewajulisha rafiki zake nia ya kuhamia Man u

Sportsmail leo linaripoti kuwa kiungo wa Barcelona Cesc Fabregas ameanza kuwaambia marafiki zake nia yake ya kutaka kuhamia Man utd. Mbali ya kuwa hakutajwa rafiki gani aliyeongea na Cesc ikichukuliwa kuwa ni siri kuwekwa jina hadharani, lakini RVP ndiye mtu aliyetajwa kuhusika na taarifa hizi. Imesemwa kuwa Cesc amehitaji kuhamia Man utd baada ya kupewa ahadi ya kucheza mechi zote za ligi na klabu bingwa, jambo ambalo limemfanya Cesc avutiwe nalo. Kwasasa Cesc ni mchezaji wa akiba kwa Barcelona na hajaweza kupata namba ya uhakika kwani nafasi yake inazibwa na Iniesta au Xavi. Mara nyingi amekuwa akicheza kama mshambuliaji wa kugushi jambo ambalo linamfanya asicheze kwenye kiwango chake. Man utd tayari imejiandaa kutuma ofa kwa mara ya tatu kumsajili mchezaji huyu baada ya ofa ya pili ya paundi mil 30 kukataliwa.