Higuain atua Napoli kwa Euro mil 37

Gazeti la Marca linaripoti mshambuliaji wa Real Madrid Gonzalo Higuain amesajiliwa na klabu ya Napoli ya Italia kwa Euro mil 37. Usajili wa Higuain kwenda Napoli umekuja baada ya klabu za Juventus na Arsenal kushindwa kufikiana makubaliano na Real Madrid. Higuain anajiunga Napoli kuziba pengo lililoachwa wazi na Cavani aliyejiunga na PSG kwa ada iliyovunja rekodi hadi sasa ya Euro mil 63. Arsenal na Juventus walishindwa kufikia muafaka na Madrid kutokana na ufinyu wa bajeti zao ambazo ziliishia Euro mil 27.