Kocha mpya wa Barca asisitiza Cesc hauzwi

Kocha mpya wa klabu ya Barcelona Gerardo Martino ‘Tata’ leo ameongea na waandishi wa habari kwa mara ya kwanza akiwa makao makuu ya klabu hiyo. Katika maongezi yake na waandishi, Tata aliongelea suala la Fabregas kwenda Man utd baada ya kuuliza kama atakubali auzwe, Tata alisema ‘siwezi kuingilia maamuzi yanayoendelea kati ya Barcelona na Man utd, ila najua Barcelona wameshakataa ofa mbili za United kuhusu Fabregas, naamini Barca itakataa pia ofa ya tatu, kwa maneno mengine Fabregas hawezi kuondoka Barca hata kama United watongeza ofa zaidi’. Wakati hayo yakiendelea Hispania, nchini Japan ambapo klabu ya Man utd ipo kwenye mechi za kirafiki, kocha wa United, David Moyes akiongea kwa kujiamini, ameendelea kusisitiza kuwa Fabregas atasajiliwa na Man utd  wakati wowote, kwani maongezi baina na klabu hizi mbili yanakwenda vyema. Man utd inajiandaa kutuma ofa ya tatu baada ya kukataliwa ofa ya pili.