Vita ya Liverpool na Tottenham kwa Soldado

Klabu ya Liverpool imeanza kumnyemelea mshambuaji wa Valancia Roberto Soldado kama mbadala wa Luis Suarez. The Mirror linaripoti kuwa Liverpool imechukua uamuzi wa kuanza maongezi na Soldado kwa kile kinachosemekana kwamba, Suarez yupo kwenye hatua za mwisho kuhamia Arsenal. Kabla ya Liverpool kuingilia kati usajili wa Soldado, Valencia ilishakubali kumruhusu Soldado kwa paundi mil 22 kwenda Tottenham, lakini ujio wa Liverpool kwenye kinyang'anyiro hiki kumeifanya klabu ya Valencia ibadilishe msimamo wake baada ya kusikia Liverpool ipo tayari kulipa paundi mil 26, ambazo ni zaidi ya zile za Spurs. Vita hii kati ya Liverpool na Tottenham inatarajia kuendelea, kwani klabu zote mbili zinatarajia kupata pesa hivi karibuni kwa Liverpool kumuuza Suarez zaidi ya paundi mil 50 na Tottenham kumuuza Bale kwa zaidi ya paundi mil 80, hivyo atakayetoa zaidi ndiye atamsajili Soldado. Kazi ipo usajili wa mwaka huu!!!