Shujaa wa ziara ya Arsenal nchini Vietnam

Wakiwa katika ziara nchi Vietnam, wachezaji na viongozi wa klabu ya Arsenal leo walikutana kijana mmoja ambaye wamemuita ni shujaa wa ziara yao kutokana na ujasili aliouonesha. Ujasili wa kijana huyo umekuja baada ya kukimbia umbali mrefu akilifukuza basi lililowabeba wachezaji wa Arsenal huku akiruka vichaka, kukwepa magari na pikipiki ilimradi tu awe sambamba na basi. Tukio hili liliwavutia wachezaji na viongozi wa klabu ya Arsenal na ikabidi wamuombe dereva wa basi asimame ili kijana huyo aingie ndani. Dereva wa basi alisimama na kijana aliingia ndani ya basi na aliweza kupiga picha na kila mchezaji wa Arsenal kabla ya kukabidhiwa jezi maalumu iliyosainiwa na wachezaji wote kama shujaa wa klabu hiyo kwenye ziara yao nchini Vietnam. Huu ni mfano wa watu ambao ni Arsenal damu, anaipenda klabu kutoka moyoni. 

Angalia video ya tukio hili  

Kijana akikimbia kabla ya kuingia ndani....duu! huyu jamaa kweli Arsenal damu

Baada ya kuingia ndani, hapa alikuwa anapiga picha na wachezaji huku jezi yake akisainiwa na wachezaji 

Arsene Wenger akipiga saini yake kwa shujaa wa ziara 

Shujaa akiwa na Arteta...hakika leo ametimiza ndoto zake