Tata achaguliwa kuwa kocha mpya wa Barcelona

Gerardo “Tata” Martino (Muargentina) amechaguliwa kuwa kocha mpya wa klabu ya Barcelona baada ya kukubali kuifundisha klabu hiyo. Martino atasaini mkataba wa miaka mitatu na ataungana na wasaidizi wake wawili Elvio Paolorroso na Jorge Pautasso. Martino anajiunga na Barcelona baada ya aliyekuwa kocha wa Barcelona Tito Vilanova kuachia ngazi kutokana na maradhi ya kansa ya koo. Katika kazi ya ukocha, mafanikio makubwa ya Tata ni kuifikisha timu ya taifa ya Paraguay kwenye robo fainali ya kombe la dunia mwaka 2010 nchini Afrika ya kusini. Tata pia ametajwa kuwa na mahusiano mazuri na mshambuliaji wa klabu ya Barcelona Lionel Messi tokea akiwa mdogo kwenye mji wa Rosario nchini Argentina.