Mourinho hatapewa adhabu yoyote - UEFA

Mourinho akiongea na Torres ndani ya uwanja mara tu baada ya Chelsea kupata goli la pili dhidi ya PSG, kitendo hiki kilikuwa si cha kawaida kwa kocha kuingia ndani ya uwanja kushangilia goli au kutoa maelekezo kwa wachezaji. Kutokana na kitendo hiki, vyombo vingi vya habari viliandika na kuhoji kuhusu tukio hili ndipo UEFA ikaamua kutoa ufafanuzi kwa kusema kitendo hicho ni cha kawaida kutokana na mazingira yake, hivyo Mourinho hawezi kuchukuliwa hatua zozote za kinadhamu. Alipoulizwa Mourinho mwenyewe kuhusiana na tukio hili alisema ' tulikuwa tunacheza kwa kushambulia dakika zote za mwisho, na sehemu kubwa ya wachezaji walikuwa washambuliaji kwasababu tulikuwa tunahitaji kufunga. Baada ya goli kuingia ilinibidi niwape maelekezo mengine wachezaji wangu ili waweze kubadilisha aina ya uchezaji na kulinda ushindi wetu'.