Carrick ndiye chaguo langu PFA - Wenger

Kocha Arsenal, Arsene Wenger amesema Michael Carrick ndiye chaguo lake kati ya wachezaji sita wanaowania tuzo ya mwanasoka bora wa ligi kuu ya England. Wenger aliyasema hayo alipokuwa akihojiwa na The Sun, baada ya kuulizwa nani ni mwanasoka bora wa ligi kuu ya England mwaka huu, Wenger alijibu kwa kusema ‘mimi nampa Carrick, ni mchezaji mzuri, anajua kugawa mipira na kulinda goli lake kwa umakini, kwa kiwango chake anaweza kucheza na viungo wa Barcelona bila shida yoyote’. Kabla ya Wenger kuulizwa swali hilo, waandishi wa habari walifikiria Wenger angemtaja Van Persie kuwa ndiye mchezaji bora lakini walishangazwa na kauli ya Wenger kumtaja Michael Carrick, lakini kwa kutambua hilo Wenger alielezea sababu zinazomfanya yeye amchague Carrick, ikiwemo umakini wa Carrick kugawa mipira na kulinda goli. Mbali ya RVP na Carrick pia wapo Suarez, Bale, Hazard na Mata katika kinyang’anyiro hicho cha mchezaji bora wa ligi kuu ya England ikiwa Bale na RVP ndiyo wanapewa nafasi kubwa ya kushinda tuzo hiyo mwaka huu.