'Rooney sio mchezaji wa kuuzwa' David Moyes

Kocha wa Man utd, David Moyes leo amethibitisha kuwa mshambuliaji wa klabu hiyo Wayne Rooney sio mchezaji wa kuuzwa. Moyes ameyasema hayo alipokuwa akiongea na waandishi wa habari na kusema ‘Wayne Rooney hawezi kuuzwa na Man utd, nimeshaongea naye mara nyingi na matatizo yote yaliyokuwepo kati ya Rooney na klabu yamekwisha. Mimi nimemjua Rooney tokea akiwa na miaka 16 alipokuwa Everton, ni mchezaji mzuri mwenye jitihada na anajituma sana kwenye mazoezi, naamini atarudi kwenye kiwango chake tulichokizoea na natarajia kuwa naye daima’. Kauli hii ya David Moyes, imetoa jibu zuri na la uhakika kwa klabu zote zilizokuwa zinataka kumsajili Rooney ikiwemo Arsenal, Barcelona, PSG, na Chelsea.