Samata afunga goli muhimu kwa TP Mazembe

Mshambuliaji wa TP Mazembe Mbwana Samata, jana aliifungia timu yake goli la ugenini na kuifanya Mazembe ipate droo muhimu ya goli 1-1 dhidi ya Setif (Algeria) katika michuano ya kombe la shirikisho barani Afrika. Matokeo haya yanafanya timu za kundi B zote ziwe na pointi moja kwani mechi ya pili kwenye kundi hili kati ya FUS Rabat ya Morocco na CA Bizertin ya Tunisia pia matokeo yalikuwa ni droo ya goli 1-1. Michuano hii itaendelea tena baada ya wiki mbili ambapo Mazembe wataikaribisha FUS na CAB watakuwa wakicheza na Setif.