Stars yatolewa michuano ya CHAN na Uganda

Timu ya taifa ya Tanzania Taifa Stars leo imetolewa kwenye michuano ya mataifa ya Afrika kwa wachezaji wanaocheza ligi ya nyumbani CHAN baada ya kufungwa na timu ya taifa ya Uganda 'The Cranes' kwa magoli 3-1. Mechi ya leo ilikuwa ni ya pili baada ya mechi ya kwanza iliyochezwa Dar es salaam wiki mbili zilizopita, ambapo pia Taifa Stars ilifungwa goli 1-0. Matokeo haya yanaifanya Stars itolewe na Uganda kwa jumla ya magoli 4-1. Baada ya kutolewa kwenye michuano hii ya CHAN, Taifa Stars imemaliza ushiriki wa michuano ya kimataifa kwa mwaka huu, zaidi ya mechi moja ya kukamilisha ratiba dhidi ya Gambia kwenye kundi C ambapo Ivory Coast ameshafuzu kutoka kundi hili kwenye michuano ya ushiriki kombe la dunia mwaka 2014.