Tottenham yaitolea nje Madrid kwa mara ya pili

Klabu ya Tottenham imeitolea nje klabu ya Real Madrid kumuuza Gareth Bale kwa paundi mil 81. Ofa hii ilikuwa ni ya pili kutumwa na Real Madrid. Kitendo cha Tottenham kuitolea nje ofa ya pili kimemkera Bale kwani hadi sasa haelewi klabu yake inahitaji dau kiasi gani ili kumuachia. Bale kwasasa hashiriki kwenye mazoezi na mechi za kirafiki za Tottenham kwa kile kinachosemwa ni majeruhi, lakini ukweli umetajwa kuwa mchezaji huyo kwasasa ana msongo wa mawazo akingojea kwa hamu kujiunga na Madrid. Kocha wa Tottenham alipoulizwa kuhusu usajili wa Bale kwenda Madrid alisema ' kwasasa siwezi kuongelea kitu kwani lolote linaweza kutokea'. Kauli hii ya kocha wa Tottenham, AVB imeonesha kukubali kuwa Bale anaweza kuondoka wakati wowote. Klabu ya Madrid inatarajia kuongeza ofa yake na wanatarajia kuituma ndani ya masaa machache yajayo. Vyombo vingi vya habari pamoja na wakala wa Bale wamesema mchezaji huyu anatarajiwa kusajiliwa na Madrid ndani ya masaa 48 yajayo.