Gerrard atimiza miaka 15 akiwa na Liverpool

Nahodha wa klabu ya Liverpool Steven Gerrard akiingia uwanjani wa watoto wake kwenye siku maalumu kusherekea miaka 15 akiwa na Liverpool. Gerrard alianza kuichezea Liverpool mwaka 1998 na hadi sasa ameshacheza mechi 630. Gerrard amesaini mkataba mpya mwezi uliopita, ukiwa ni mkataba wake wa mwisho kuichezea Liverpool, ambapo anatarajia kustaafu soka mara mkataba huu utakapoisha mwaka 2015. Katika kuadhimisha siku hii kwa Gerrard na wachezaji wengine, klabu ya Liverpool leo iliandaa mechi maalumu kati ya Liverpool na Olympiakos iliyochezwa Anfield na Liverpool kushinda magoli 2-0.  

Gerrard akimkumbatia Allen baada ya kufunga goli la kwanza 

Suarez pia alicheza, na alishangiliwa kuliko wachezaji wote wakati anaingia dakika ya 62 kuchukua nafasi ya Aspas. Heshima ya kusimama na kupigiwa makofi na mashabiki wa Liverpool aliyopewa Suarez, inaweza kumshawishi mchezaji huyu kuendelea kubaki Anfield baada ya kuona upendo wa mashabiki wa klabu hiyo.  

 

Robbie Fowler na Heskey pia walikuwepo, na Fowler aliweza kuonesha uwezo wake kwa kucheza dakika 18

  

Sofia Balbi (kushoto) ni mke wa Suarez, akiwa na mtoto wake

John Arne Riise beki wa zamani wa Liverpool pia alikuwepo kwenye mechi maalumu ya Steven Gerrard

 

Roy Hodgson (kocha wa England) na Gerard Houllier (kocha wa zamani wa Liverpool) pia walikuwepo kwenye mechi ya leo